Rjek Hory.

Rozměr: px

Začít zobrazení ze stránky:

Download "Rjek Hory."

Klára Křížová
před 5 lety
Počet zobrazení:

1 Rjek Hory

This ebook is distributed under Creative Common License 3.0 http://creativecommons.org/licenses/by-nc-nd/3.

2 This ebook is distributed under Creative Common License You are free to copy, distribute and transmit this work under the following conditions: - You must attribute the work in the manner specified by the author or licensor (but not in any way that suggests that they endorse you or your use of the work) - You may not use this work for commercial purposes - You may not alter, transform, or build upon this work Ivan Parvov, Hero of the Mountain Copyright 2010 by Ivan Parvov Text and illustrations by Ivan Parvov Translated by Edward Wornar

3 Liška Bubu bě jara rozhorjena. Wulke wubědźowanje Rjek hory měješe so nazajtra wotměć. Najzmužićiše a najsylniše zwěrjata a ludźo bychu so wobdźělili.

4 Bubu chcyše sej wubědźowanje wobhladać a najsławnišich rjekow swěta zetkać. Kedźbliwje sej kartu wobhlada: Wubědźowanje budźe horjeka na horje, pola kuzłarskeje sowy Boranki. Bubu měješe dołhu jězbu před sobu.

5 Na tutym wječor Bubu njemóžeše wusnyć, doniž njebě pozdźe w nocy. Přeco zaso hladaše na zdaleny wjeršk hory a sonješe wo wubědźowanju. Njeměrnje čakaše na ranje.

6 Nazajtra zahe wotući, sej zuby wurjedźi a spěšnje posněda. Dołhi puć na Bubu čakaše, tuž so porjadnje najě. Mać bě wulkotnu snědań přihotowała.

7 Bubu slubi, zo budźe kedźbliwy a zo so do ćmičkanja wróći, a chwataše k horje. Dźěše nimo łukow, wokoło kamjentnych chołmow, a jako runje přez móst dźěše, zasłyša, kak něchtó wo pomoc woła.

8 Bubu so wobhladny a wuhlada bruka, kiž bě do rěki padnył. Brjóžk bě přenahły na małkeho bruka; wón njemóžeše wulězć a zadwělowany z nóžkami a tasadłomaj machotaše.

9 Bubu pytaše za kijom abo něčim, štož płuwa, ale njemóžeše ničo namakać. Dokelž čas ćěkaše, tykny skónčnje swoju wopuš do lódzymneje wody a přiwoła brukej, zo by ju hrabnył.

10 Krótko na to ležeše bruk na trawje a słónco jeho sušeše wón bě wučerpany, ale zbožowny, dokelž bě wuchowany. Tež małka liška bě mučna, ale njeměješe chwile. Wužima swoju wopuš, kiž bě ćežka z wodu, a chwataše dale k wubědźowanju.

11 Bórze wuhlada nukla, kiž hórko płakaše. Bě rukajcu zhubił a njemóžeše ju namakać.

12 Bubu jara chwataše, ale so rozsudźi, zo nuklej pomha. Dźeržeše swój wulki, čućiwy nós k zemi a poča čuchać, pytajo za nuklowej rukajcu. Nukl nadźijepołny za nim běžeše.

13 Krótko na to Bubu rukajcu namaka, kiž pódla puća ležeše. Před nosom liški so njechowaš! Nukl bě jara zbožowny a so přez cyłe mjezwočo směješe, jako z rukajcami wotsal skakaše. Bubu chwataše dale k horje.

14 Jako po nahłym hórskim puću horje lězeše, zetka Bubu třoch mrowjacych wobornikow, kiž durje njesechu za wohnjowu stražu na horje. Mrowički wottam hladachu, hač so w lěsu njepali. Durje běchu njesměrnje ćežke a mrowički běchu chětro wujachlene.

15 Bubu so rozsudźi, zo jim pomha, hačrunjež bě so wubědźowanje hižo započało. Přimny za ćežkimi durjemi a je hromadźe z mrowjemi na horu donjese.

16 Skónčnje dóńdźechu k straži mrowjacych wobornikow a durje hromadźe zatwarichu. Mrowje so posydnychu, mučne a spokojom. Tež liška Bubu bě mučna, ale čas chwataše; tuž dźěše dale k wjerškej.

17 Jako skónčnje dóńdźe, bě wubědźowanje nimo. Złamane kłoki, tarče a mječe běchu rozmjetane... ale wšitcy rjekojo běchu so hižo rozešli.

18 Zrudnje so Bubu na zemju sydny. Tak jara bě so małka liška na wubědźowanje a na najwjetšich rjekow na swěće wjeseliła, ale wšitko zakomdźiła.

19 Nadobo zasłyša machotanje křidłow. Pohlada horje a wuhlada kuzłarsku sowu, Boranku, před sobu. Njerudź so, Bubu. Njejsy wjele zakomdźiła. Hladaj, mam něšto za tebje, a sowa Bubu kristal da, na kotrymž steješe RJEK HORY to bě prěnje myto wubědźowanja! Ale... čehodla?, so Bubu překwapjena wopraša. Njejsym ničo rjekowskeho činiła. Je wjetši rjekowski skutk hač wšě te małke wěcy, kiž sy dźensa činiła?, so Boranka smějkotaše. Sy wubědźowanje zakomdźiła, na kotrež bě so tak wjeseliła, zo by brukej, nuklej a mrowjam pomhała. Ty sy prawy rjek hory.

20 Bubu so do wječerje domoj wróći a swojimaj staršimaj wšo wupowěda. Wšitcy so wjeselachu a běchu jara hordźi na nju. Po wječeri so Bubu lehny, mučna a zbožowna. Trjebaše dobry spink štó wě, kajke dyrdomdeje bychu jutře na nju čakali.

21 KóNC Wjace ilustrowanych powědančkow namakaće pod

Podobné dokumenty

Nejlepší vánoční dárek

Nejlepší vánoční dárek This ebook is distributed under Creative Common License 3.0 http://creativecommons.org/licenses/by-nc-nd/3.0/ You are free to copy, distribute and transmit this work under the following