Dźěćace knihi w serbskej rěči. Ludowe nakładnistwo Domowina

Transkript

1 1 Dźěćace knihi w serbskej rěči Ludowe nakładnistwo Domowina

2 Na prěni pohlad Knihi z twjerdeho papjerca Za předšulsku starobu Za dźěći wot 6 lět Za dźěći wot 8 lět Za dźěći wot 10 lět Za młodostnych wot 14 lět Dalši poskitk dźěćacych knihow 28 Słuchoknihi za dźěći E-booki za dźěći 39

3 1 Knihi z twjerdeho papjerca Madlena Nasticcyna Što tam łazy, běha, lěta ilustrowała Gudrun Lenz NOWE Hač fifolacy škowrončk, skakotace kózlatko abo hłódna wudra w předležacej knize wjerći so wšitko kołowokoło našeje blišeje přirody. Na zabawne wašnje zeznaje so dźěćo ze zwěrjatami na dworje a na zahrodźe, na pastwje, na a při bliskim haće a w lěsu. Znowa wudata kniha ma nowostku: Nimo zwučeneho wužiwanja je wona runočasnje ze słuchopisakom BOOKiijom kompatibelna. Dótknje-li so dźěćo z nim hrónčka abo přisłušaceho zwěrjeća, předčita so jemu wuzwoleny rym a zaklinči zwuk. Kniha zabawja a rozšěrja zdobom słowoskład maćernorěčnych čitarjow a słucharjow, wosebje pak tež serbsce wuknjacych dźěći. 2. nakład 10 s., barbne ilustracije, ze słuchopisakom kompatibelne (BOOKii) , 8,90 Madlena Nasticcyna

4 Knihi z twjerdeho papjerca 2 Susanne Gernhäuser NOWE Mój wulki wobrazowy słownik zwěrjata ilustrowała Anne Ebert z němčiny přełožił Syman Šołta Što zynči a brunči na łuce? Što skaka, što łaka tamle mjez štomami? Dźěći wot dweju lět zeznaja w knize pisany swět zwěrjatow. Njepředstaja so jenož rěče zwěrjatow kaž šćowkanje psa na dworje abo rjechtanje žaby při haće. Dźěći móža tež stopam wjewjerčki w sněze slědować, sej bobrowy hród wotnutřka wobhladać abo raz wuspytać, hač zamóža maćernemu zwěrjeću prawe młodźo přirjadować. Tež njeznate zwěrjata z cuzych krajow dźěći namakaja. W dalokich morjach, w dźunglu a sawanje so z nimi mjerwi. Samo na suchu pusćinu abo wěčny lód su so někotre zwěrjata zwučili. A kak to běše běłe mjedwjedźe jědźa najradšo pinguiny? Pohladajće z dźěćimi do knihi, tam wone zhonja, hač to trjechi. 30 s., barbne ilustracije , 9,90

5 3 Knihi z twjerdeho papjerca Christa Kempter Dobru nócku, bariko ilustrowała Sigrid Leberer z němčiny přełožiła Rejzka Delenkowa Wusnyć sej njeje scyła tak lochko: Barikej Mišce a zajacej Wuchačej to njesměrnje ćežko padnje. Barik boji so klepotaceje žaluzije a zajac ma zymnej nóžce. Ale Leńka, jeju přećelka, wě sej radu. Tež šěsć wćipnych małych zaječkow radšo po łuce skaka hač do łóžka dźe. Što pak činitaj Mato a nank? Piknik, a měsačk jimaj do jstwy swěći. Nó hdźe da tajkele něšto dawa? A mały Jurek koho so wón tak boji, zo samo pod łóžko hlada?»kniha zamóže wobrazow dla samo hižo połdralětne dźěćo putać. Na kóždy pad je knižka dobytk staršim, kotřiž tradiciju wječorneho předčitanja pěstuja.«lydija Maćijowa 2016, 26 s., barbne ilustracije , 8,90

6 Knihi z twjerdeho papjerca 4 Christa Kempter Moje najlubše pěstowarske stawiznički ilustrowała Sigrid Leberer z němčiny přełožiła Jadwiga Wejšina Skónčnje tak daloko je: Mija dźe z maćerku prěni raz do pěstowarnje. Wězo nje - smě nowa čerwjena tobołka falować, kotruž je wot wowki a dźěda k narodninam dóstała. Kak drje budźe so jej w pěstowarni lubić? Spěšnje pak so zažiwi a nowych přećelow namaka. Wostuda? Nic w pěstowarni! Zhromadnje z druhimi dźěćimi přihotuje Mija lěćny swjedźeń a nazwučuje dźiwadłowu hru za njón, wuleći sej z nimi do lěsa a pasli latarnički. Tež narodniny přeco něchtó ma: Tónraz je za Luizu wosebity dźeń a wona smě sebi złotu krónu z papjery na hłowu stajić. A što njesmě na tajkich prawych narodninach falować? 2017, 26 s., barbne ilustracije , 8,90

7 5 Za předšulsku starobu Doris Kasper NOWE Kuzło dejmantneje soniny ilustrowała Barbara Schumann z němčiny přełožiła Jadwiga Kaulfürstowa Jasnička je frinkolata sonina, kotraž je so na łuce słónčnych róžow narodźiła. Kwětki wona přewšo lubuje, a tak lěta wona kóždźički dźeń wot kćenja ke kćenju a ručež je so jich dótknyła, kwětki hišće nadobnišo a rjeńšo kćěja. Tež zwěrjatka mała sonina njesebičnje ze swojim frinkolenjom wobdaruje. Tak so dejmantny błyšć Jasnički bórze po łukach a polach roznjese. Doniž rjaneho dnja skopčka Jonnyja njezetka. Nablaku so jeje wutrobička rozžehli. Wša jeje lubosć a přichilnosć słuša wotnětka jemu a jeničce za njeho so wona błyšći a frinkoli. Kak dołho pak móže takle žiwa być? A kak so Jonny při tym zadźerži? 16 s., barbne ilustracije, brošura , 5,90 Doris Kasper

8 Za předšulsku starobu 6 Eduard Petiška Knoćik a jeho awtko ilustrował Zdeněk Miler z čěšćiny přełožiła Judith Wjenkec Awto měć, je wobsedźeć, z nim po měsće a po kraju jězdźić to chce tež knoćik. Zwotkel pak je brać? Sej sam jedne natwarić je zwrěšćiło. Awtowe dźěle běchu spěšnje namakane, knoćik je dźěle tež hromadźe twarił, ale te»awto«njeje jěło, ani so njeje z blaka hibało abo zwuk wot so dało. Wbohi knoćik! Ale što je to? Što je to do wobručow? Jedyn, dwaj, tři... wobruče? Te słušeja k awtu małeho hólčeca. Je hrajkace awto do wšěch dźělow rozklepał a jednorje ležo wostajił. Myška pak wě sej radu a sćele knoćika z awtom do zamkarnje a hlej: Awtko so zreparuje a knoćik je nětk hordy wobsedźer awta. Tak je woběmaj pomhane. 2016, 64 s., barbne ilustracije, kruta wjazba , 11,90

9 7 Za předšulsku starobu Jěwa-Marja Čornakec Kak su wroblik Frido a jeho přećeljo do Afriki lećeć chcyli ilustrował Günter Wongel Wroblik Frido a jeho přećeljo přihotuja so na wulku jězbu. Chcedźa z balonom do Afriki lećeć. Myška Pip-pip a jěžik Kałačik hižo pilnje wačoki pakujetaj. Tež žabka Šlapka so wjeseli. Skónčnje je tak daloko. Balon stupa z wroblikom, myšku, žabku a jěžikom dowysoka, na směr juh. Po puću dótknu so přećeljo nimale wjerškow Alpow, přeleća Srjedźne morjo a wjesela so na Afriku. Ale što to? Naraz přiwali so wulke njewjedro, błyska a hrima so. We wichoru kołsa so korbik kaž tajka čumpjel na hermanku. Njemdry wichor hrabnje za balonom a njese jón do daliny. Jako přizemja, je hižo ćma a wšitcy sej wučerpani wusnu. Rano wotućiwši widźa wulke štomy, palmy a hustu kerčinu. Hdźe su jenož přizemili? Je to Afrika? 2016, 16 s., barbne ilustracije, brošura , 5,90 Wumoluj wroblika Frida a jeho přećelow! Wroblik Frido wumolowanski zešiwk wumólowański zešywk 2016, 16 s., brošura , 3,90 Jěwa-Marja Čornakec

10 Za předšulsku starobu 8 Thomas Binder Pingufant za Pawla ilustrował Thomas Binder z němčiny přełožił Michał Nuk Pawl je mały šibały hólc. Wón změje bórze narodniny a přeje sej zwěrjećeho přećela cyle wosebiteho wězo, kaž to pola hólcow takle je. Pawl přeje sej elefanta. Staršimaj so přeće scyła njelubi. Tež Hanka, Pawlowa wulka sotra, chce jemu to wurěčeć, dokelž je tajki elefant jara, jara wulki, trjeba wjele městna a tu pola nas we Łužicy spěšnje zymu mrěje. Hmm, što nětko? Pawl ma sej něšto nowe přemyslić. Njetraje dołho a Pawl ma nowu ideju. Tola tež ta, tak staršej a Hanka, njeje wjele lěpša hač prěnja. Pawl je zrudny. Što budu to do narodnin? A što Pawl k narodninam dóstanje? Wotmołwu na te prašenja dóstanu dźěći w předležacej knižce. Thomas Binder 2015, 32 s., barbne ilustracije, kruta wjazba , 8,90

11 9 Za předšulsku starobu Reinhard Abeln Pójće sobu do cyrkwje Kemšaca knižka za dźěći ilustrował Hartmut Bieber z němčiny přełožiła Ludmiła Bizoldowa Čehodla chodźimy do cyrkwje a wobdźělamy so na Božej mši? Čehodla so pokřižujemy, hdyž zastupimy do cyrkwje? Što stawa so při přežohnowanju? Prašenja, na kotrež měješe mnoho dorosćenych zawěsće hižo raz wotmołwić. Z tutej kemšacej knižku móža so dźěći wot štyrjoch lět z wotběhom kemšow zeznajomjeć. Na jadriwe a lochke wašnje wopisuje awtor najwažniše dypki, kaž na přikład přednjesenje ewangelija a próstwow abo přežohnowanje, a podawa k tomu słowa měšnika. Ilustrator je kóždej situaciji rysowanku přidał, zo bychu mali a tróšku wjetši připosłucharjo wšitko lěpje rozumili. Knižku w přiručnej wulkosći móža sej dźěći sobu kemši wzać. 2017, 50 s., barbne ilustracije, kruta wjazba , 7,95

12 Za dźěći wot 6 lět 10 Štefan Paška Dyrdomdeje na wsy ilustrowała Friederike Ablang Tim je ze staršimaj, sotru Milenku a micku Minku z města na wjes ćahnył. Hač doma, na sportnišću abo samo w cirkusu na njeho čaka tójšto dyrdomdejow. Cyłkownje 14 čitančkow wo hólčecu a jeho dožiwjenjach wobsahuje prěnja dźěćaca kniha Worklečana Štefana Paški. Kniha je wosebje za dźěći myslena, kotrež čitać wuknu. Słowa z hišće njeznatymi pismikami so mjenujcy z wobrazkami narunaja a čitančka bywaja postupnje ćeše. Nimo fible w šuli maja čitarjo-započatkarjo z tym pisanu a zabawnu zběrku krótkich, ale přiwšěm napjatych stawizničkow prěnju knihu, kotruž móža sami a cyle bjez pomocy dorosćeneho čitać. 2. nakł. 2018, 44 s., barbne ilustracije, kruta wjazba , 8,90 Štefan Paška

13 11 Za dźěći wot 6 lět Štefan Paška Nowe dyrdomdeje na wsy ilustrowała Friederike Ablang Tim je prawy dyr domdejnik wostał a přeco něšto zajimawe dožiwja. Při tym njetrjeba ani wulce po swěće jězdźić. Doma na dworje, na wjesnym sportnišću, na polu, w hajku abo w lěsnej kupjeli so druhdy najspodźiwniše wěcki stawaja. Tu šeri, tam so třěla, micka Minka je so zhubiła a samo policija Tima a jeho přećelow pyta. Byr njež čitančka krótke byli, so awtorej přeco poradźi napjatosć natwarić. Kaž jeho předchadźace wudaće je Friederike Ablang tež tule knihu z powabliwymi ilustracijemi wobohaćiła. Kniha je idealna za prěnje samostatne čitanje. 2017, 52 s., barbne ilustracije, kruta wjazba , 8,90

14 Za dźěći wot 6 lět 12 Rejzka Delenkowa Po měsće z Alenu ilustrowała Martina Burghart-Vollhardt Alena chodźi do prěnjeho lětnika a bydli ze swojimaj staršimaj w měsće. Tam knježi čiłe žiwjenje. Z nadróžnymi muzikantami wona hudźi, ze swojej kuzinu Laru dźe do kina, z mamu pak lěze na najwyšu wěžu města. Runje telko wjesela ma holčka ze swojimaj wujkomaj Linusom a Titusom, kotrejuž samo raz sobu do šule wozmje. Powědančka su pisany miks dožiwjenjow a hodźa so wosebje za dźěći 1. lětnika, kotrež čitać wuknu. Słowa z njeznatymi pismikami so z wignetami narunaja. Dalša pomoc při čitanju su barbnje woznamjenjene złóžki. Čitančka su do jednorych, trochu ćešich a ćežkich tekstow rjadowane. Z pomocu hódančkow móža mali čitarjo na kóncu zwěsćić, hač su wšitko prawje zrozumili. 2. nakł. 2018, 48 s. barbne ilustracije, kruta wjazba , 8,90 Rejzka Delenkowa

15 13 Za dźěći wot 6 lět Měrka Mětowa Lizka wjaza kózlika ilustrowała Cleo-Petra Kurze Lizka, kotrejež nank daloko preč we wulkim měsće dźěła, je wotydźenja z maćerku sama. Hdyž pak dyrbi ta popołdnju na dźěło abo hdyž Lizku šija boli, so jeje najlubši wuj Florian wo holčku stara. Zhromadnje sej hrajkataj, po měsće dundataj abo w parku kački picujetaj. Rjaneho dnja pak njesłuša kedźbnosć najlubšeho wuja Floriana hižo jeničce jej samej: Tomaš je sobu do jeho bydlenja zaćahnył a Lizka ma naraz dweju wujow. Wuj Florian samo wočakuje, zo wona z Tomašom do zwěrjenca dźe. To so jej njelubi, a wona wjaza kózlika. Bórze pak pytnje, zo ma Tomaš tež swoje dobre stronki. Čućiwje, ale přiwšěm šibale a lochce awtorka tele bytostne žiwjenske nazhonjenje z wida małeje Lizki rysuje. Měrka Mětowa 2016, 28 s., barbne ilustracije, kruta wjazba , 8,90

16 Za dźěći wot 6 lět 14 Křesćan Krawc Hdźe je kóčka wostała ilustrował Uwe Häntsch Nalěto Wójna so bliži, tež chěžam na kromje lěsa, hdźež bydli swójba małeho hólca. Wšitcy dyrbja na ćěkańcu. Mać sadźi swojeho syna na konjacy wóz do poslešćow. Wězo ma wón swoju kóčku sobu. Hólc so wjeseli, dokelž je słyšał, zo pojědu daloko, samo přez hory. Tola hižo w prěnjej nocy jemu kóčka w hołku a tołku hrimacych a hwizdacych granatow ćeknje. Po cyłym dołhim puću ju wón woła a pyta ale nihdźe žana kóčka! A woni jědu a jědu... Hač drje ju hdy zaso namaka? Křesćan Krawc powěda dźěćom wo kóncu wójny, a to nic jenož na jara putace, ale tež na awtentiske wašnje: z wida dźěsća. Młodźi čitarjo zhonja, kak je awtor jako mały hólčec ćěkańcu dožiwił a kak so wšo w měrje skónči. 2015, 32 s. barbne ilustracije, kruta wjazba , 8,90 Křesćan Krawc

17 15 Za dźěći wot 6 lět Silvie Sanža Wuzwol sej swoje powołanje ilustrował Milan Starý z čěšćiny přełožiłoj Pětr Šołta a Jana Štillerová Wot architekta hač k zahrodnicy je w před - ležacej knize wjac hač 300 wšelakich powo łanjow mjenowane a zwobraznjene. Z toho so něhdźe połojca w krótkich tekstach nadrobnišo wopisuje. Dwustronske ilustracije su połne přewšo zajimawych detailow, kotrychž drje budu so młódše kaž starše dźěći lědma nahladać móc. Tež někotružkuli žortnu situaciju je ilustrator z wuměłskej ručku zapopadnył. Kniha wobsteji ze 17 wobsahowych cyłkow, to su na přikład dwórnišćo, twarstwo, wulětna łódź, chorownja, filmowe studijo abo hotel. Dźěći zeznajomja so z woblubowanymi powołanjemi kaž tym wučerja, chorobneje sotry abo policista runje tak kaž z mjenje znatymi kaž archiwara, skriptki abo kulisoweho technikarja. 2016, 72 s., barbne ilustracije, kruta wjazba , 12,90

18 Za dźěći wot 6 lět 16 Werner Měškank Marhata Cyžec-Korjeńkowa Marka, Janko, pójtaj won! Spěwy a stawiznički za dźěći wudate w zhromadnym dźěle ze Załožbu za serbski lud ilustrował Thomas Binder Dźěći rady spěwaja a wone su rady wonka na łuce, na zahrodźe abo w lěsu. Runje tak kaž Marka a Jank, kotrajž zhromadnje ze su sodźic Matejom, Jurjom a Hilžu w přiro - dźe tójšto dožiwjataj. Psyk Lawdan a micka Minka stej skoro přeco pódla. Nimo njeju jewja so dalše zwěrjata: Mrowički su Jankej pokład słódkosćow wotkryli, w zahrodce trjeba młody kós pomoc, kompost je raj wudźenkow a na worješinje so wjewjerčce honitej. Werner Měš - kank je wšitke tute zajimawostki do 36 krótkich stawizničkow spletł a jim spěwny tekst přidał. Marhata Cyžec-Korjeńkowa je wotměnjawe melodije stworiła. Nimo stawizničkow su w knize tež wšitke spěwy z notami a harmonijemi a na připołoženej CD nahrawane spěwy. z notami a připołoženej CD 2016, 148 s., barbne ilustracije, kruta wjazba , 16,90 Marhata Cyžec-Korjeńkowa, Werner Měškank

19 17 Za dźěći wot 8 lět Hura, prózdniny! ilustrowała Cleo-Petra Kurze wudała Marka Maćijowa NOWE Prózdniny, najrjeńši čas lěta... A što so w tutym času wšo njestawa! Štóž do dowola wotjědźe, móže wo piratach a delfinach abo wo mórskim bohu Poseidonje powědać. Runje telko a druhdy hišće kołwrótniše wěcki dožiwja prózdninarjo pola wowki a dźěda, w bliskim lěsu abo při skale, haj samo doma na zahrodźe abo na łubi. Pódla malenoweho kerka je ominozny lětacy objekt přizemił, ze zeleneho jejka dowoloweje dopomnjenki z Beskidow wudypa so zmij, potajnstwo stareje cyhelnicy ma so skónčnje wotkryć, na stanowanišću je paduch dźěćom wšě handyje pokradnył... Ale čitajće sami! 188 s., barbne ilustracije, kruta wjazba , 16,90 Słuchokniha Hura, prózdniny! režija Jan Bělk, čitataj Gabriela Marija Šmajdźina a Stanisław Brankačk 2018, 2 CDji, 150 min , 12,00 Předstaj sej, na Baltiskim morju wobkedźbuje Marko piratow, Lukaš a Maja zadobudźetaj so štož je kruće zakazane do stareje cyhelnicy, Jonas pomha mysterioznemu mužikej, kotryž ma tři woči a štyri ruki, a Roman a Hanka nawučitaj swojeho noweho, woheń pluwateho přećela Ignata lětać... Što to njewěriš? Njewěš da, zo je w prózdninach wšo a wšitko móžno? Słuchaj a daj so překwapić!

20 Za dźěći wot 8 lět 18 Jurij Koch NOWE Golo a Logo Nětko je Abezinka fuk ilustrował Thomas Leibe Golo a Logo staj kriminalistaj a ničo njeje za njeju wostudliše hač měr a pokoj we wsy. Zo su so kumštne zuby wowki Abezinki zhubili, je jimaj tuž witana wěc. Tola jako šulerjej njemóžetaj paducha z pistolu a spěšnym awtom łójić. Z wótrym wóčkom, mudrej hłójčku a zmužitosću pak to narunataj. Čłowjek njeby wěrił, zo při pytanju za kusadłom samo hišće wuslědźitaj, štó nastajnosći stary čapor do bliskeho hajka wozy a z tym přirodu niči. Jako pak so w druhim dźělu knihi nadobo cyła wowka zhubi, je to za młodeju kriminalistow hišće komplikowaniši pad. Chcetaj wšěm dopokazać, zo staj kmanaj jón rozrisać. Wšako dźe wo žiwjenje a smjerć! Čitanski wurězk»goldi!«, wuprasnje Logo.»Goldi so wróći. Skoku preč!«golo so zadźerži, kaž njeby jemu ničo wučiniło, zo so wjednik starownje wróći. Hačrunjež budźe so jeho kluč za někotre 120 s., čornoběłe ilustracije, kruta wjazba , 12,90 sekundy w zamku wjerćeć. Golo so rozhladuje. Za čim Golo hišće pyta?»won!«, Logo namołwja.»dźi!«, Golo rjeknje.»ja hnydom přińdu.«logo ćeknje z wokna a krosni so po swislowej sćěnje dele na puć. Wot słónca su na kromje brězoweho lěska jenož hišće někotre šěre pruhi na dalokim horiconće widźeć. Cyły swět so zaćěmnja. Tak so Logej zda. Wujachleny sydnje so do wysokeje trawy a kusa na palcu. Hdźe wostanje jeho kolega? Jurij Koch

21 19 Za dźěći wot 8 lět Dorothea Šołćina Kupjel połna rybičkow Pryzlojte basnički za dźěći ilustrowała Barbara Schumann Lodowy Korla Do pěstowarnje Korla chodźi, mać jeho za ruku tam wodźi. A hdyž po njeho zaso dźe, wón kóždy dźeń to samsne chce: Před pěstowarnju steji budka, ta pak tam njeje samalutka w tej budce předawaja lód wot januara hač do hód. Rymowane basnički nic jenož wo pjerskach a pstruhach, ale tež wo hawronu a sroce, wo jutrownych wuchačach a pyšnym koniku, wo Měrćinowej husycy a zwěrjatach w Betlehemskej hródźičce su w knize Dorotheje Šołćineje zhromadźene. Wot noweho lěta hač k hodom je Budyska basnica počinki a njepočinki najwšelakorišich ptačkow a žračkow z wěcywustojnym runje tak kaž pryzlojtym pjerom zapopadnyła. Při tym móže wona ze swojej rěču wurazliwe wobrazy molować a rymy two - rić, kiž sedźa kaž dypk na i. Wobkuzłace su tohorunja ilustracije, kotrež je Barbara Schumann z wjele lubosću k detailej zhotowiła. 2015, 48 s., barbne ilustracije, kruta wjazba , 9,90 A Korla žadosćiwje rodźi wo lód, kiž jeho brjuškej słodźi. Dorothea Šołćina

22 Za dźěći wot 8 lět 20 Serbske powěsće Wuběr za dźěći ilustrował Měrćin Nowak-Njechorński wupytał a zestajał Erich Krawc wobdźěłał a přełožił Kurt Bałcar Wódny muž a lutki, hober Sprjewnik a připołdnica, zmij abo plon štó njemysli při tym na znate wobrazy Měrćina Nowaka- Njechorńskeho, na powěsće ze wšeje Łužicy? W němskej rěči su so přez lětdźesatki přeco znowa spřistupnili, ale lědma je hišće znate, zo je so prěnjotnje wudał wuběr za dźěći w serbskej rěči. Hač do dźensnišeho njemóžemy sej serbsku literaturu bjez wódneho muža, lutkow abo wurlawow předstajić. Po prěnim wudaću w lěće 1959, kotrež wopřija syłu znatych a mjenje znatych powěsćow, předleži třeći, přehladany nakład tuteje woblubowaneje knihi. Za dźěći a wšěch lubowarjow powěsćow a ilustracijow Měrćina Nowaka-Njechorńskeho. Lutki pola Wojerec Na kóncu małeje hórki w Horach pola Wojerec bydlachu Budarjecy. K nim chodźachu lutki husto po dźěžu. Dźěža, to je wulka kulojta dóńca, w kotrejž chlěbowe ćěsto dźěłachu. Lutki pak wšitko wopak powědachu. Tak prajachu:»my njechamy měć njewašu njedźěžu. My njechamy měć wašu njełopatu. My njechamy wam přinjesć njenašeho njechlěba!«psow so woni jara bojachu, a prjedy hač přińdźechu do dwora, wołachu přeco:»přiwjazajće wašeho wošćěraka, tón nas hewak skusa!«potom přinjesechu dźěžu zaso a zdobom někotre»njechlěby«, kotrež běchu napjekli. To běchu małe kulojte chlěbički, kotrež jara słodźachu. 3., přehlad. nakł s., ilustracije, kruta wjazba , 9,90

23 21 Za dźěći wot 8 lět Křesćan Krawc Jejdyrko ilustrował Uwe Häntsch Hólc ze spodźiwnym mjenom Jejdyrko, kotryž so wokoło patoržicy skradźu do wowčernje při Sprjewi šmórnje, steji w srjedźišću putaceje stawizny. Zakład jednanja twori historiska maćizna Napoleonske wójny před wjac hač 200 lětami. Jako pomocnik Lichańskeho wowčerja nazhoni Jejdyrko wšě fasety tehdyšeho žiwjenja: z nowonarodźenymi jehnjatkami zwjazanu žiwjensku nadźiju runje tak kaž hłód a nuzu, zawinowanej přez wójnu a tehdyše žiwjenske wobstejnosće. Krawc wšo to na swoje wašnje a jara wobrazliwje serbskim dźěćom zbliža, tak zo móža so zamyslić a z Jejdyrkom sobu čuć strach a bjezmócnosć, jako so zaso raz wojacy na wowčernju zaměrja abo jemu zyma do kosćow jědźe. 2016, 48 s., barbne ilustracije, kruta wjazba , 9,90

24 Za dźěći wot 10 lět 22 Lubina Hajduk-Veljkovićowa Za wšě pady přećelki! ilustrował Šćěpan Hanuš Anja a Paula matej starosće. Jurkec jěchanski dwór w Płošecach, hdźež nimale wšón swój swobodny čas přežiwitej, je wohroženy. Borbora, mějićelka dwora, njemóže bance hižo kredit wróćo płaćić. Jeli njenańdźe tak spěšnje kaž móžno nowych šulerjow, budźe jednoho z konjow předać dyrbjeć. Anja a Paula matej plan, kak dalšich zajimcow přiwabić. Pomoc poskići jimaj Milenka, kotraž chce w prózdninach jěchać nawuknyć. Anju zamóže wona ze swojimi idejemi zahorić, Pauli pak jeje mudre rěče chětro na čuwy du. Jako Milenka jejedla při jěchanju znjezboži, su starosće wo dwór hišće wjetše a plan holcow hrozy so sypnyć. Zamóže jich zhromadna lubosć ke konjam hory přesadźeć? 2014, 188 s., čornoběłe ilustracije, kruta wjazba , 12,90 e-book , 9,99 Lubina Hajduk-Veljkovićowa

25 23 Za dźěći wot 10 lět Monika Gerdesowa Z Francom po swěće ilustrowała Jana Große Što pohnuje młodostneho, na tři lěta a jedyn dźeń do cuzby hić, so ze swójbu a přećelemi rozžohnować, so pěši abo z awtostopom po kraju pohibować, sej přeco zaso nowe dźěło pytać, cuzych wo nóclěh a jědź prosyć... a wšo to z móličkim wačokom a bjez smartphona abo tableta? Jako metalotwarc poda so Franc Čornak w nowembrje 2009 na wandrowstwo. Za čas swojeho pućowanja poby w dźe - wjeć krajach. Jónu skoro zmjerzny, druhi raz bychu jeho bjezmała zatřělili. Rozhłosow nica Monika Gerdesowa je so Franca Čor naka za jeho dožiwjenjemi prašała a wón je jej wo cuzych krajach a ludźoch powědał. Hdźe a kak sće w Paraguayju dźěło a nóclěh našli? To bě wjele ćešo, hač běchmy sej to spočatnje myslili. Trjebachmy wjacore pospyty. Naša prěnja stacija měješe poprawom pola dobreje přećelki Eckija być. Wona w Asunciónje bydleše. Naš přećel pak bě terminy dospołnje zaměnił, a spěšnje so wukopa, zo wona w tutym času docyła doma njebě! Po přijězdźe ju ze zjawnym telefonom zawołachmy:»halo, smy tu!«wona skoro do womory padny. Bě z nami hakle měsac pozdźišo ličiła. Ale móžeše nam dalšu adresu dać: Marco bě němski znaty wot njeje, k njemu dyrbimy sej dojěć a wón móže nam zawěsće dale pomhać. Přenocowachmy potom w hotelu a přichodne ranje nastajichmy so na našu prěnju jězbu po kraju. Marca namakać bě potom woprawdźe dyrdomdej. Wot nětka wšak běchmy w cuzym kraju a z cuzej rěču kompletnje sami na so stajeni. Ale my třo přećeljo smy tež tole zmištrowali. 2017, 144 s., barbne ilustracije, kruta wjazba , 14,90 Franc Čornak Monika Gerdesowa

26 Za dźěći wot 10 lět 24 Jasminka Petrović Lěćo za započatkarjow ilustrował Dobrosav Bob Živković ze serbišćiny přełožiła Lubina Hajduk- Veljkovićowa Sofija, 13lětna holca ze serbiskeho Běłoh roda, jědźe w lětnich prózdninach ze swojej wowku na chorwatsku kupu Hvar. Wowka, kotraž wottam pochadźa, je kupu wójny dla před 26 lětami wopušćiła. Nětko chce swoju sotru Luciju wopytać. Spočatnje Sofija pod tym ćerpi, zo njemóže prózdniny tak přežiwić kaž jeje přećelki, zo ma na tajkim pustym blečku wutrać. Poněčim pak zhoni, zo ma na Hvaru nimo wowcyneje sotry dalšich přiwuznych. Čehodla bě jej wowka tole zamjelčała? Zašłosć a swójbne stawizny póčnu holcu zajimować. Zeznaje kuzinu a kuzenka a z jeho pomocu Svena ze Šwedskeje, do kotrehož so zalubuje. Kniha je jako jeje dźenik napisana, kotryž Sofija w bjezsparnych nocach wjedźe. 2017, 144 s., čornoběłe wignety, kruta wjazba , 14,90 Jasminka Petrović Čitanski wurězk z kapitla»prěnja nóc«wowka smorči. To móžeš wobłudnić. A tute hłupe kuntwory mi hakle na čuwy du. Łaža mi do nosa a do wočow. Bórze budu zerja schadźeć, a ja sym přeco hišće wotućena. Nimo toho sym hłódna. Walam so we łožu. Nócna košla je so mi wokoło ćěła zwiła kaž papjerka wokoło placka. Sym so tak na tute lěćo a na prózdniny wjeseliła! Myslach sej, zo mje mać a nan z Luku a jeho přećelemi stanować dataj. Druha warianta bě, zo pojědu ze Sašku do Kraljeva k jeje kuzinje. Ale smorže! Jónu popołdnju bě mje mać w klěšćach poměła:»hladaj, kajka blěda sy! Cyły dźeń do swojeho kompjutera wudźěraš. Lětsa pojědźeš pěknje z wowku na kupu Hvar. Tam budźe so ći lubić: morjo, słónco, ludźo, prěnja lubosć... Ja mějach w Starim Gradźe najlěpše lěta swojeho žiwjenja. Hdyž jenož na to myslu...«

27 25 Za młodostnych wot 14 lět Jěwa-Marja Čornakec Łójerjo sonow titulna ilustracija Uwe Häntsch NOWE Janikej Šajatowićej so přeco zaso dźije, kak so jeho nan w młowojtym bahnje zhubi a so hižo nihdy njenawróći. Mać pak jemu přičinu nanoweho zhubjenja zamjelči. W myslach a sonach Niny wjerći so wšo wokoło Romana, do kotrehož je zalubowana. Na wosebitym seminarje chcetaj Janik a Nina swoje sony zrozumić a wowliwować nawuknyć. Bórze pytnjetaj, zo ma nawo da seminara, kiž so Master mjenuje, z wob dźělnikami swójske wotpohlady. Z pomocu noweho medicinskeho srědka, kotrehož skutkownosć wón sam ani dokładnje njeznaje, a kompjuteroweje hry zawjedźe jich do potajneho swěta. Na mjezy mjez žiwjenjom a smjerću, mjez sonom a realitu, zetka Janik nana a namaka wotmołwy na swoje prašenja. Jako pak hólčec spóznaje, štó so za mysterioznym Masterom chowa, je hižo nimale přepozdźe. Čitanski wurězk»sym hižo prěni šulski dźeń pytnyła, zo sy do Romana zalubowana«, Ria přizna.»kóždy slepy widźi, kak jara so wo njeho starosćiš, hdyž je rěč wo nim.ow jej... Sym so tola prócowała, so njenadpadnje za nim prašeć«, hněwaše so Nina.»Ale mjez namaj prajene, boju so, zo to tydźenje abo samo měsacy traje, doniž wón njewotući.hdy bych ja do někoho zalubowana była, bych wšo za njeho činić spytała. Wšojedne, hač tež wón mje lubuje abo nic.njejsym so najskerje prawje zwurazniła«, Nina spěšnje praji.»wězo bych wšo za njeho činiła. Hdy bych jenož wědźała, što.ja něšto wěm«, Ria zawoła.»słuchaj, pokaž mi jeho foto a ja jeho w swojich sonach nadeńć spytam. Sym ći tola hižo w šuli powědała, zo móžu wowliwować, što sonju. Móžeš sej to předstajić?«176 s., kruta wjazba , 14,90 e-book , 9,99

28 Za młodostnych wot 14 lět 26 Paternoster Teksty młodych awtorow 8 NOWE Kóžde druhe lěto přewjedujetej Ludowe nakładnistwo Domowina a Załožba za serbski lud literarne wubědźowanje za serbski pisacy dorost. Wuběr zapodatych twórbow so w rjedźe»paternoster«wozjewja. Wosme wudaće wobsahuje basnje a powědančka wšěch mytowanych awtorow wubědźowanja Su to Annamaria Hadankec z Kopšina, Judith Handrikec ze Serbskich Pazlic, Božena Hojerec z Jaseńcy, Cecilija Nete - rec z Njeswačidła, Halina Pohončec z Wotrowa, Julia Šnajderjec z Pančic- Kukowa, Luiza Šubertec z Kamjenca, Clemens Bobka z Miłoćic, Michał Donat z Chrósćic, Damian Dyrlich z Noweje Wjeski a Pětr Dźisławk z Chasowa. Ale tež twórby dalšich wobdźělnikow na wubědźowanju so w zešiwku wozjewja. 80 s., wobrazy, brošura , 8,90 Čitanski wurězk Michał Donat Terminy Budźak klinka. Tři běrtlki na wosom pokazuje mały časnik. Muž stanje a hlada z woknom. Wonka so pomału swětli. Sněh so saje, je zaso jónu kruta zyma. Wón dyrbi zywać, mučnota zašłych tydźenjow jeho hišće wobjimuje. W poslednim času je tójšto dźěłał. Dźensa ma so wšitko wudanić. Zawod za produkciju mikrochipow, w kotrymž dźěła, ma lukratiwny poskitk. Inwestorojo z Chiny přijědu dźensa a chcedźa wikowanske zrěčenje wotzamknyć, po tym zo běchu sej firmu wobhladali. A wón ma jednanja wjesć. Dźensa móže wšitkim pokazać, kajku wušiknosć w jednanju ma. Hlada hišće raz na časnik, za hodźinu zetkaja so w běrowje, zo bychu sej hišće raz poslednje wěcy dorěčeli. Nětko dyrbi so do spěcha měć. Trěje sej spar z wočow a dźe do kupjele. Po snědani so swój najnowši a najelegantniši woblek zdrasći. Wčera hišće je sej nowu krawatu we wobchodźe pódla póšty kupił. Tajku rjanu módru krawatu njebě hišće widźał. Z nazhonitymi pohibami sej ju spěšnje wjaza. Hišće raz hlada do swojeje toboły, hač ma tež woprawdźe swój stik sobu. Je to dźensa jeho najwažniši utensil. Doma ležo jemu prezentacija ničo njepomha...

29 27 Za młodostnych wot 14 lět Lubina Hajduk-Veljkovićowa Módre buny Kriminalka wobalka Sophie Natuškec NOWE W Budyšinje je so grawoćiwy njeskutk stał. Znateho trenarja wolejbuloweho towarstwa»běła hwězda«su zamordowaneho w sportowni namakali. Młoda serbska komisarka Janka Žurowa, kotraž z mužom a synom w měsće bydli, a jeje němski kolega Alek dyrbitaj tak skoku kaž móžno mordarja wuslědźić. Slědźenja wjedu komisarow do swěta dorostoweho sporta, a čim bóle so do pada zanurjataj, ćim wjetša bywa ličba podhladnych. Zabawnje powěda awtorka wo pytanju winowateho. Wosebitosć jeje noweje kriminalki je serbsko-němski miljej, w kotrymž jedna. Ze žortom wopisuje awtorka, kak mjez komisaromaj tež wšelakeho narodneho wašnja dla přeco zaso k napjatosćam dóńdźe. Čitanski wurězk z 8. kapitla:»ach, štož sym ći hišće rjec chcyła...«, praji Janka, jako so k Alekej do awta sydny. Wona naspomni fota, kotrež bě na Söldnerowym laptopu namakała, po tym zo bě Stani tajne hesło wotkrył.»te běchu zdźěla chětro priwatne, nimale intimne. Tak cyle čiste mi to njeje.a čehodla to nětko hakle zhonju!«, wujědźe Alek na nju.»to je wažny indic! Ty jenož nikomu njepraj, zo sy laptop sobu domoj wzała a zo je jón twój sydomlětny syn w rukomaj měł. Mój smój team, to dyrbimoj so na so spušćeć móc!«janka póžěraše. Njebě wšak to z wotpohladom zamjelčała. Jej bě prosće telko druhich wažnych faktow we hłowje wokoło šwórčało.»to so wjace njestanje, jasne?!«, rjekny Alek hněwny. Wón stupi na płun, kaž by ćěkaceho złóstnika přesćěhał, a ničo wjace njepraji. Mjelčicy jědźeštaj na Čornobósku. Pola Söldnerec steješe awto pochowanskeho wustawa před domom. 212 s., kruta wjazba ze škitnej wobalku , 16,90 e-book , 12,99

30 Dalše knihi za předšulsku starobu 28 Michał Nawka Liška přaha štyri kozy ,00, twjerdy papjerc Jan Radyserb-Wjela Baje, baje basničku ,90 Handrij Zejler Ja sym tawzynt dušny kadla ,00, twjerdy papjerc Michał Nawka Dźěći, pójće do pola ,90 Hańža Bjeńšowa Majka a micki ,90 Kikerahi, biło je tři! Spěwnik 12,00 Spěwnik a CD 19,00 Nataša Tanská Puf a Muf ,90 Kołsy, kołsy konika Spěwnik za dźěći ,90 Eugen Spálený/Lýdia Zubajová Jan, Minka a Bobik na prózdninach ,90

31 29 Dalše knihi za předšulsku starobu Spěwajće, so radujće Swjedźenje a nałožki ,90 Jěwa-Marja Čornakec, Kak je žabka Šlapka z wětřikom lećała ,90 Daniel Hevier Nam so hišće njecha spać ,90 Jěwa-Marja Čornakec Wroblik Frido a jeho přećeljo ,90 Thomas Binder Leoni a Leo ,90 Vhrsti Ćmy so hižo njeboju ,90 Měrana Cušcyna Hdźe je sowa? ,90 Ruce swojej stykuju ,90

32 Dalše knihi za dźěći wot 6 lět 30 Angela Stachowa Słónčna róža Marhata ,90 Jurij Koch Honač Bobi so złobi ,90 Wórša Wićazowa Pućowanje Małeho pampucha ,90 Měrćin Nowak-Njechorński Moje lěto z Bobakom ,90 Jan Wornar Bombi pyta lód ,90 Lubina Hajduk-Veljkovićowa Ćipka w lěsu ,90 Jurij Koch Knot Knut a bur Žur ,90 Křesćan Krawc Jutry bjez jejkow? ,90 Křesćan Krawc Nukl Justus w spěšniku ,00

33 31 Dalše knihi za dźěći wot 6 lět Sophia Liehnec Zaječk Hopl a jeho přećeljo ,90 Wórša Šołćic K wobjedu sněhowe kulki a druhe stawiznički ,50 Madlena Nasticcyna Bjanka a brěški ,50 Čerwjenawka a druhe bajki ,90 Hodownikowanje ,90 Łučlany hród ,90 Wórša Wićazowa Són wo jědlence ,90 Klinkotata lipka ,90

34 Dalše knihi za dźěći wot 6 lět 32 Słónco a holičo ,90 Handrij Zejler Babka pčołka/tante Biene ,90 Pismikowy memo ,00 Domino ze słowami ,00

35 33 Dalše knihi za dźěći wot 8 lět Jurij Brězan Módry konik Digidonk ,90 Jěwa-Marja Čornakec Zmiječk Paliwak ,90 A. A. Milne Winij Puw ,90 Křesćan Krawc Bój wódnych mužow ,90 Jěwa-Marja Čornakec Myška w mróčelach ,90 Jan Wornar Honač Heinrich ,90 Jěwa-Marja Čornakec Zakuzłana sroka ,90 Jan Wornar Dźiwny stražnik w Sernjanach ,90

36 Dalše knihi za dźěći wot 8 lět 34 Angela Stachowa Lilow a knjez Handrik ,50 Miloš Kratochvíl Šwintuchaj ,90 Angela Stachowa Jank ze žołtym kłobukom ,90 Beata Nastickec Haperlejka ,90 Lubina Hajduk-Veljkovićowa Juliana ,90 Moji přećeljo ,90 Hilda Kućankowa Dźensa swjeću narodniny ,50

37 35 Dalše knihi za dźěći wot 8 lět Hilda Kućankowa Łamaj sej hłójčku! ,50 Biblija we wobrazach a stawiznach ,90 Katrin Beserec Vineta 2 Potajnstwo zašłosće ,90 Manuela Treitmeier Hody, jutry, kermuša ,90 Lubina a Dušan Hajduk- Veljković/Dragan Bosnić Dyrdomdej mjez swětami ,90 Serbske ludowe bajki ,90

38 Dalše knihi za čitarjow wot 10 lět 36 Jěwa-Marja Čornakec Matej w štwórtej dimensiji ,90 Křesćan Krawc Woko Mok syn wódneho muža ,90 Sergio Bambarén Sonjacy delfin ,90 Jurij Brězan Naš wuj z Ameriki ,90 Daniel Hevier Krajina AGORD ,90 Ivan Kušan Koko a operacija Barbarossa ,90 Lubina Hajduk-Veljković W putach Čorneho pana ,90 Měrka Mětowa Komplot na ptačim kwasu ,90

39 37 Dalše knihi za čitarjow wot 10 lět Měrka Mětowa Skónčnje ,90 Charles Dickens Žiwjenje našeho Knjeza ,90 Anatolij Ivčenko/Sonja Wölkowa Wo wćipnych Jěwach a nócnych hawronach ,90 Pismikowa keklija 19,90 Rostliny Přewodnik po přirodźe ,90 Zwěrjata Přewodnik po přirodźe ,90

40 Za młodostnych wot 14 lět 38 Jurij Brězan Habakuk ,90 Douglas Adams Pućnik po galaksiji ,90 Angela Stachowa Vineta ,90 Beata Mičerlichowa Mortwa w grobli ,90 Čorny młyn ,90 Youcat ,90 Na přiład: Ty ,90

41 39 Słuchoknihi za dźěći NOWE Hura, prózdniny! 2 CDji 150 min ,00 Jěwa-Marja Čornakec Wroblik Frido a jeho přećeljo CD 45:20 min ,00 Miloš Kratochvíl Šwintuchaj 3 CDje 200 min ,00 MP ,00 Beno Budar Cowboy Tom abo dyrdomdej ze zaka CD 77: 58 min ,00 Marja Młynkowa Nóc w šuli CD 68:04 min ,90 Jurij Koch Knot Knut a honač Bobi CD 45 min ,00 Rjana holčka/dwanaće bratrow CD 42:07 min ,00 Serbske ludowe bajki CD 58 min ,00 Ben Budar Ja, kocor Stani 2 CDji 150 min ,00 Beno Budar/Hrjehor Nawka/ Měrćin Weclich Ja sym mała Sněženka 2. nakł., CD 45 min ,00

42 Słuchoknihi za dźěći E-booki za dźěći 40 Hejsa, hody du 2. nakł., CD 45 min ,00 NOWE Jěwa-Marja Čornakec Łójerjo sonow ,99 [EPUB] Hodownikowanje CD 78 min ,00 Kikerahi, biło je tři! CD 39 min 12,00 Měrka Mětowa Komplot na ptačim kwasu ,99 [EPUB] Lubina Hajduk-Veljkovićowa Za wšě pady přećelki ,99 [EPUB] Jurij Koch Honač Bobi so złobi ,90 [EPUB]

43 Domowina-Verlag GmbH Ludowe nakładnistwo Domowina Budyšin 2018 Spěchowane wot Załožby za serbski lud, kotraž dóstawa lětnje přiražki z dawkowych srědkow na zakładźe hospodarskich planow, wobzamknjenych wot zapósłancow Zwjazkoweho sejma, Krajneho sejma Braniborskeje a Sakskeho krajneho sejma. Redakciski kónc: junij 2018 Fota: Maćij Bulank, Thomas Kläber, Jürgen Maćij, priwatne Wuhotowanje: Isa Bryccyna Ćišć: WIRmachenDRUCK GmbH

44 Marhata Cyžec-Korjeńkowa a Werner Měškank předstajitaj knihu»marka, Janko, pójtaj won!«w Zakładnej šuli w Slepom Ludowe nakładnistwo Domowina Sukelnska/Tuchmacherstr Budyšin/Bautzen tel. ( ) faks ( ) geschaeftsfuehrung@domowina-verlag.dede Smolerjec kniharnja Annett Šołćic tel. ( ) faks ( ) buchhandlung@domowina-verlag.de Wotewrjenske časy wot póndźele do pjatka hodź. do hodź.