ТОА Е ТОА! 15 идеи за благи и солени јадења. Браво рецепти

Transkript

1 ТОА Е ТОА! 15 идеи за благи и солени јадења Браво рецепти

2 Содржина Оризови галети 5 Солен овесен појадок 7 Домашни кифлички 9 Каша од сурова хељда 11 Турско пиде 13 Чоколадна торта 15 Печени крофни со фил од кафе 17 Чоколадна баклава 19 Чоколадно колаче 21 Чоколадни мафини 23 Mини кафе палачинки 25 Васина торта 27 Колач со јагоди 29 Козињак со семе од афион 31 Брауни пита 33 3

3 Рецепт на Garlicky Girl Оризови галети 2 оризови галети Хумус 1/2 краставичка 1 домат Меко варено јајце Сирење Сецкано младо лукче Двете оризови галети намачкајте ги со хумус. Тенко исечете половина краставичка и еден домат. Наредете ги зеленчуците на галетите (едно со краставичка, едно со домат). На галетата со краставичка ставете парчиња меко варено јајце, а на галетата со домат ставете малку сирење и сецкано младо лукче. Брз, здрав, вкусен и лесен појадок. 5

4 Рецепт на Ситно сецкано Идеја за еден солен појадок. Солен овесен појадок Овес Тиквица Пиперка Спанаќ Младо лукче Јајце Пармезан Лут буковец Сол и бибер Идеа за еден солен појадок со една состојка која најчесто ја јадеме во блага варијанта. Изборот на додатоците е бесконечен, можете да искористите тоа што имате во фрижидер. Знам дека можете да замислите ленти сланина на местото на тиквицата или пржени печурки, печен прокељ. храна од која долго ќе бидете сити, а нема да ве успори и успие. Дали сте пробале овес во цело зрно? Многу е вкусен. Јас обично го варам во вода и го јадам со некое свежо овошје и мед или домашно слатко. Од 1 шоља овесни зрна се добива доволно сварен овес за 4 вакви појадоци. Ако ви остане, може да стои во фрижидер цела недела, само малку се згуснува. Овес: Ставете го овесот да се вари во вода, во однос 1:5, на тивкосредно, во полупокриено тенџере, околу 45 минути, или додека зрната не омекнат. Тиквици и пиперки: Исечете ги тиквиците на тенки ленти, пиперките на стапчиња и испржете ги во ребрасто тавче, на малку масло, на многу јако, по 1 минута од двете страни, само додека малку не омекнат и не им се појават шари. Спанаќ: Испржете на кратко 1 младо лукче на ладно цедено сончогледово масло, додајте 2 3 шаки измиен спанаќ, сол, бибер, лут буковец и гответе го спанаќот кратко, 2 минути, со повремено мешање, додека не спласне. Сето ова е супер, ама за мене не е комплетно без јајце на око, нешто што би можела да го јадам секој ден. до пред некоја година бев за кајгана во разни варијанти (со сирење, урда, младо кромитче, блитва ), ама сега сакам јајце на око, со течна жолка и рендан пармезан, а овесот прелијте го со маслото во кое се пржеа пиперките, полно е со пиперкаст вкус. 7

5 Рецепт на Garlicky Girl Домашни кифлички 800 грама + уште по потреба брашно 2 лажици сол 1 пакетче сув квасец (или 1 коцка свеж квасец) 2 лажици мед 150 мл јогурт 150 мл павлака 150 мл млеко 150 мл масло 1 јајце изматено, урда, кашкавал или полнење по ваша желба Во длабок сад просејте ги брашното и солта. Во тенџерче, ставете ги млекото, јогуртот, павлаката и медот да се загреат малку. Кога ќе се загреат, тргнете ги од рингла и ставете го квасецот. Оставете малку да се активира. Смесата претурете ја во длабокиот сад со брашното, додадете ги јајцето и маслото и почнете да мешате со дрвена лажица. Потоа, почнете да месите со рака додека да добиете меко и нелепливо тесто. По потреба, додавајте брашно. Тестото покријте го со кујнска крпа и оставете да нараснe 45 минути, односно дупло. Од готовото тесто исечете 4 еднакви топки. Секоја топка тесто, развлечете ја на набрашнета работна површина, во облик на круг. Пресечете го кругот на триаголници и секој триаголник филувајте го. Виткајте ги кифличките од подебелата страна кон врвот. Готовите кифлички редете ги на тавче обложено со хартија за печење. Намачкајте ги со разматено јајце и попрскајте ги со семки (сончоглед, афион, сусам, тиква ). Покријте ги со крпа и оставете да нараснат минути, односно додека да се загрее рерната на 200 степени. Печете ги во рерна минути додека да добијат златна боја. Печените кифли, веднаш штом излезат од рерна, попрскајте ги со вода и покријте ги со крпа. Оставете да се оладат, па потоа послужете ги. Меки и вкусни. 9

6 Рецепт на Ситно сецкано Каша од сурова хељда За 3 4 порции: 1 шоља зрна хељда шака бадеми 1 лажица семе чиа 1/2 шоља кефир 2 јаболка Шака замрзнати капини Ставете ги зрната хељда и бадемите во вода, во посебни садови, и оставете ги неколку часа или до следниот ден. Потоа исплакнете ги и изблендирајте ги заедно со другите состојки. Надополнетe со кришки јаболко, банана, какао зрнца, семки од тиква, мед, цимет и кафе. Можете да направите поголема количина за да имате и следните денови, само имајте во предвид дека ако користите домашен кефир тој со тек на време станува покисел. За појадок. 11

7 Рецепт на Garlicky Girl Турско пиде За тесто: 600 грама брашно 150 мл топла вода 1 пакетче квасец 50 мл јогурт 1 јајце, изматено 2 лажички шеќер 1 лажиче сол 6 лажици маслиново масло За фил со мелено месо: 500 грама говедско мелено месо 2 главици кромид, исечкани 3-4 чешниња лук, исечкани 2 домати, исецкани сол и бибер 2 лажици мелен црвен пипер Магдонос, ситно сецкан Прво, направете го тестото. Во длабок сад ставете ги јајцето, јогуртот, маслиновото масло, шеќерот, 50 мл топла вода и пакетчето квасец. Измешајте со жица за матење. Потоа, додадете 600 грама брашно и мешајте со вилушка. Посолете. Потоа, почнете да месите со раце додека да добиете меко тесто. Тестото покријте го со кујнска крпа и оставете да стасува 30 минути. За тоа време, направете го филот. Во тавче ставете масло и пропржете ги кромидот и лукчето. Додадете го месото. Зачинете со сол и бибер. Додадете ги сечканите домати. Оставете да се крчка додека месото да биде готово. На крај, ставете црвен пипер и пропржете уште малку. Од тестото одвојте 8 (големи) или 16 (мали) топчиња. Секое топче со сукало развлечете го долгнавесто. Ставете 3-4 лажици од филот и затворете го пидето од краевите. Премачкајте со изматено јајце, ставете сечкан магдонос и наредете ги вака подготвените парчиња пиде на тавче обложено со хартија за печење. За пидето со моцарела, само наредете моцарела и кашкавал, ставете малку лукче (по желба), премачкајте со јајце и ставете магдонос. Печете во рерна загреана на 220 Целзоусови степени околу минути, односно додека тестото да биде печено. Исечете го на парчиња и сервирајте. Две верзии на класично турско пиде. За фил со кашкавал или сирење: 2 топки моцарела, исечкани 250 грама рендан кашкавал/ сирење Магдонос, ситно сецкан 13

8 Рецепт на Grandad s Cookbook Чоколадна торта 200 грама брашно 200 грама шеќер 75 грама какао 1 пакетче прашак за пециво 450 мл оризово млеко или друго растително млеко 3 лажици маслиново масло Малку ванила Цимет Сок и кора од портокал Шеќер во прав за посипување Загрејте ја рерната на 160 степени. Во длабок сад ставете го брашното, какаото, циметот и прашакот за пециво. Измешајте ги сувите состојки. Во одделен сад измешајте го млекото, маслото, ванилата, сокот од портокал и кората од портокал. Додадете ги водените состојки во сувите. Измешајте добро со лажица, но не премногу. Турете ја смесата во тавче кое сте го намастиле претходно и печете околку 40 минути, или додека чепкалка ставена насредина во тортата излегува чиста. Испечената торта посипете ја со шеќер во прав. Без млечни производи, без јајца, само вкус на чоколадо и цимет. 15

9 Рецепт на Сѐ за храна Печени крофни со фил од кафе За крофни: 1 чаша топло млеко 1 лажица путер 2 1/2 чаши брашно ¾ чаши шеќер 11/2 лажици сув квасец 1 мала лажичка екстракт од ванила 150 гр чоколадо за декорација За фил од кафе: 3 лажици пченкарен скроб 1 мала лажичка Браво кафе 1/2 чаша /¼ чаша шеќер 2 чаши млеко 4 жолчки 2 лажици путер 1 мала лажичка екстракт од ванила Меки, вкусни и неодоливи. Топлото млеко и путерот ставете ги во длабок сад и мешајте додека смесата се соедини. Брашното пресејте го со сито и ставете го во сад за месење, па додајте ги квасецот и шеќерот. Измешајте ги состојките и во средината направете мал отвор. Во садот со брашното додајте го екстрактот од ванила и турете ја смесата од млеко и путер. Мешајте со лажица додека се формира тесто. Врз набрашнета површина ставете го тестото и продолжете со месење за време од 5 до 10 минути. Од тестото формирајте голема топка. Земете чист длабок сад и намрсете го. Во садот ставете го тестото и покријте го со најлонска фолија и така припремено оставете го на топло место додека тестото двојно да нарасне за време од 1 час. Во меѓувреме подгответе го филот. Во тенџере на оган, на средно висока температура ставете 1 и 1/2 чаша млеко да се вари. Во млекото додајте 1/2 чаша шеќер и повремено мешајте за да не загори млекото. Во друг сад ставете ги пченкарниот скроб, ¼ чаша шеќер и лажичката Браво кафе. Измешајте ги, а потоа додајте 1/2 чаша млеко и жолчките. Измешајте со жица за матење за да добие хомогена смеса. Штом млекото зоврие, намалете ја температурата. Во садот со смесата од кафе, постепено додавајте по малку од врелото млеко и константно мешајте за да се распореди топлината. Потоа, смесата од јајца и кафе ставете ја во тенџерето во кое се вареше млекото. Тенџерето ставете го на огнот и кремот од кафе варете го додека се згусни. Штом кремот ќе ја добие посакуваната густина, тенџерето тргнете го од огнот, а потоа додајте ги путерот и ванилата. Добро измешајте и оставете го филот да се излади. Работната маса набрашнете ја и ставете го тестото. Со помош на рацете или сукало формирајте кружна кора со дебелина од 2 до 2,5 см. Од кората со помош на калап или чаша исечете крофни. Крофните редете ги во тава обложена со хартија за печење и по желба оставете ги да нараснат за време од 30 минути. Тавата со крофни ставете ја во загреана рерна на 200 степени и печете ги за време од 10 до 15 минути додека добијат златно кафеава боја. Печените крофни извадете ги од рерната и оставете ги да се изладат. Кремот од кафе ставете го во готварски шприц и со него полнете ги крофните. Чоколадото растопете го на пареа, а потоа со него чоколадирајте ги полнетите крофни со фил. 17

10 Рецепт на Grandad s Cookbook Чоколадна баклава 1 пакетче кори (500 грама) 250 грама мелени ореви 100 грама рендано чоколадо за готвење 800 грама шеќер 500 мл вода Малку масло Прво направете го филот, со тоа што ќе ги измешате чоколадото и оревите. Да, толку е едноставно. Земате една кора, попрскувате со масло и ја виткате на половина. Ставате на едниот крај три лажици од филот и ја виткате кората како цигара. Ја ставате кората на намастено тавче, внимателно за филот да не избега надвор. Ја повторувате процедурата со останатите кори и филот. Откако ќе ги наредите во тавата, ги сечите. Јас ги сакам помалечки, лапни-голтни :) Откако ќе ги исечете, ги попрскувате со масло и ги ставате да се печат на 160 степени околу 20 минути. Во меѓувреме го правиме шербетот. Го ставате шеќерот и водата во тенџерче и ги загревате додека не почнат да вријат. Варите околу 5 минути, шербетот да добие густина. Кога ќе се опече баклавата ја попарувате со шербетот. Жежок шербет, на жешка баклава. Чекате 20 минути за шербетот убаво да се впие. Рецепт за совршено неделно попладне. 19

11 Рецепт на Ситно сецкано Чоколадно колаче 1¼ шоља брашно (пола сенаменско, пола интегрално) 1/2шоља 3 какао во прав 1/2 лажиче прашок за пециво ¼ лажиче сода бикарбона ¼ шоља сончогледово масло 1 шоља шеќер (и со бел и со кафеав е добро) 1 јајце 1 кесичка ванилин шеќер 1 шоља кефир (или јогурт) 100 g темно чоколадо (искршено или исечено на ситни парченца) Ставете ги сите состојки, освен парченцата чоколадо, во вангла и изматете ги со миксер додека сѐ не се измеша убаво. Истурете ја смесата во тавче со димензии отприлика 9x22x8 cm, премачкано со путер, врз неа рамномерно посипете ги парченцата чоколадо, малку притиснете ги во смесата и ставете го колачот да се пече во рерна загреана на 175 C околу минути. Проверувајте го од време-навреме, ако е површината прерано испечена, а внатрешноста сѐ уште жива, покријте го колачот лабаво со алуминиумска фолија или хартија за печење. Едноставно чоколадно колаче. 21

12 Рецепт на Grandad s Cookbook Чоколадни мафини 200 грама брашно 200 грама шеќер 75 грама какао 1 пакетче прашак за пециво 450 мл оризово млеко или друго растително млеко 1 банана 3 лажици маслиново масло Малку ванила Цимет За глазурата: 4 лажици вода 4 лажици шеќер 4 лажици какао 2 лажици масло Загрејте ја рерната на 160 степени. Во длабок сад ставете го брашното, какаото, циметот и прашакот за пециво. Измешајте ги сувите состојки. Во одделен сад измешајте го млекото, маслото, ванилата и бананата. Додадете ги водените состојки во сувите. Измешајте добро со лажица, но не премногу. Турете ја смесата во тавче кое сте го намастиле претходно и печете околку 40 минути, или додека чепкалка ставена насредина во тортата излегува чиста. За глазурата загрејте ја водата со шеќерот. Додадете го какаото и маслото и мешајте неколку минути. Декорирајте ги мафините и уживајте. Воздушести и вкусни, со вкус на банана и цимет. 23

13 Рецепт на Сѐ за храна Mини кафе палачинки 2 чаши брашно ½ чаша шеќер 2 лажички прашок за печиво Прстофат сол 1 чаша топло млеко 1 чаша Браво кафе, сварено без шеќер и изладено 2 јајца 2 лажици иситнет путер 1 лажичка екстракт од ванила Чашата е со количина од 240 мл Меки и. н ч о с и Во поголем сад за месење ставете ги сувите состојки, односно брашното, шеќерот, прашокот за печиво и солта, па измешајте ги со помош на лажица. Во одделен сад ставете ги и со малку матење измешајте ги млекото, кафето, јајцата, путерот и ванилата. Течните состојки додајте ги во садот со сувите состојки. Трудете се тоа да е рамномерно и со постојано мешање со жица за матење за да постигнете убава хомогеност на смесата. Кога смесата за мини кафе палачинките е готова, припремете го тавчето. Лесно намрсете го тавчето (тоа може да го направите најлесно така што ќе намрсите салфетка и со неа ќе го избришете тавчето). Кога тавчето добро се загреало земете 60 мл од смесата и турете ги во една точка на добро загреаното тавче. Под дејство на топлината смесата самата ќе се рашири и ќе се оформи кружната форма со посакуваната големина со дијаметар од 10-тина сантиметри. За најлесно да измерите ако употребувате мерица од 80 мл, оставете околу 1 см од горниот дел да остане празен. Кога ќе се појават меурчиња на горната страна од палачинката, значи дека долната страна се испекла и е време да ја превртите од другата страна. Со помош на голема рамна кујнска лажица превртете ја од другата страна и оставете ја уште малку да се допечи. Препорачуваме температурата на печење на палачинките да не биде премногу силна, туку умерена за да избегнете да ви изгорат по површината. Постапката повторувајте ја додека се потроши смесата. На крај, изладените мини кафе палачинки послужете ги со парче путер, јаворов сируп, мед, мармалад или свежи овошје по желба. 25

14 Рецепт на Grandad s Cookbook Васина торта Кремаста и вкусна, со вкус на портокал. 6 јајца 6 лажици шеќер 7 лажици мелени ореви 3 лажичиња прашак за пециво 5 жолчки 5 лажици шеќер во прав 250 грама мелени ореви 100 мл млеко 150 грама путер 150 грама шеќер во прав Сок и кора од еден портокал 5 белки 1 филџан шеќер 1/2 филџан вода Изматете ги 6 те јајца со 6 лажици шеќер. Одделно измешајте го брашното со оревите, прашакот за пециво и кората од портокал. Додадете го брашното на јајцата и убаво измешајте. Ставете ја смесата во тавче за печење и печете 30 минути на 160 степени. Додека се пече направете го филот. На средна топлина изматете 5 жолчки со 5 лажици шеќер. Ставете ги настрана да се изладат. Натопете ги оревите во врелото млеко и додадете 3-4 лажици шеќер. Во одделен сад изматете го путерот со 150 грама шеќер во прав се додека не се соединат. Додадете ги оревите на жолчките и измешајте. Потоа додадете го и путерот и се убаво измешајте. Намачкајте го испеченото тесто со филот. Загрејте ја водата и шеќерот се додека не добиете шербет како за слатко, дури и малце погуст. Одделно, изматете ги белките убаво за да станат цврсти. Полека турете го шербетот во белките и не престанувајте да мешате со миксер најмалку 10 минути. Намачкајте ја тортата со белиот крем. 27

15 Рецепт на Garlicky Girl Колач со јагоди 2 јајца 400 грама брашно 300 грама шеќер 200 мл млеко 150 мл масло за јадење 1 пакетче ванилин шеќер 1/2 пакетче прашок за печиво Прстофат сол грама свежи или замрзнати јагоди (или било кое друго овошје) Во длабок сад скршете ги јајцата. Ставете го шеќерот и матете со миксер. Додадете ги млекото, ванилиниот шеќер и маслото. Изматете. Додадете го брашното, прстофат сол и прашокот за печиво. Матете со миксер додека да се соединат состојките. На крај, додадете го овошјето и измешајте со лажица. Смесата претурете ја во тавче за печење претходно обложено со хартија за печење. Печете на 200 Целзиусови степени околу минути, односно кога ќе биде печено (проверете со чепкалка за заби, ако излезе чиста кога ќе ја брцнете во средина, печено е колачето). Оставете малку да се олади, па потоа попрскајте со шеќер во прав. Лесно и вкусно. 29

16 Рецепт на Grandad s Cookbook Козињак со семе од афион 1 кг брашно 200 грама шеќер 1 1/2 чаша млеко 1 квасец 1 чаша масло 4 јајца Kора од лимон 1 пакетче прашак за пециво За филот: 300 грама семе од афион 300 грама шеќер 1 чаша млеко За филот, ставете го семето од афион во блендер се додека не се сомеле. Измешајте го афионот со 300 грама шеќер и една чаша млеко и ставете ги во тенџерче на шпорет. Варете го филот 10 минути и ставете го настрана да се излади. За тестото, прво кавсецот со малку шеќер и млако млеко ставете го една чаша за да нарасне. Измешјате го брашното со 200 грама шеќер, додадете го млекото, кората од лимон, маслото и прашакот за пециво. Се убаво измешајте и месете се додека тестото не стане меко и нелепливо. Поделете го тестото на два дела. Исукајте го секој дел во правоаголник со димензии 30x40 см. Намачкајте го филот врз двата дела и завиткајте го тестото како ролат. Ставете ги двата ролати во тавче за печење и оставете ги така 30 минути. Загрејте ја рерната на 175 степени. Изматете едно јајце и премачкајте ги ролатите. Печете околку минути. Мек, благ козињак. 31

17 Рецепт на Ситно сецкано Брауни пита Tесто за пита: 2 шољи брашно, од кои 1 2 лажици пченкарно, а останатото сенаменско или мешано интегрално 1 лажица шеќер 120 g путер, ладен, исечен на коцки 2 3 лажици павлака 2 3 лажици ладна вода (или колку е потребно Фил: 140 g путер 150 g темно чоколадо 8 лажици какао во прав 1 лажица инстант кафе 4 јајца 200 g шеќер 2 лажици домашен сируп од ѓумбир 3 лажици кисела павлака 1/2 шоља ореви помешани со 1 лажица брашно Измешајте ги брашното и шеќерот, па додајте ги коцките путер и мешајте со прсти или со блендер за тесто додека не се направат зрнца. Додавајте ја павлаката и една по една лажица ладна вода и мешајте го тестото сé додека не успеете да ги споите зрнцата во топка тесто. Tестото може да се направи и неколку дена однапред и да стои во фрижидер додека не ви притреба, или да се замрзне на подолго време. Засега оставете го во фрижидер, завиткано во кеса или поклопено во вангла, додека го правите филот. Oд овој фил излегуваат 6 8 мали пити (во тавчиња со пречник од 10 cm) или една голема со пречник од 25 cm. Стопете ги путерот и чоколадото, заедно со какаото и кафето, во сад врз вода која полека врие, или во микробранова, со често мешање. Изматете ги јајцата со шеќерот со миксер, долго, додека не станат светли и кремасти. додајте го сирупот од ѓумбир. Кога чоколадото малку ќе се олади, додајте ја павлаката и убаво измешајте. Потоа спојте ги двете смеси и додајте ги оревите, крупно исецкани и помешани со малку брашно. Развлечете го тестото со сукало, врз малку побрашнета површина, исечете го на кругови малку поголеми од дното на тавчињата и притиснете го на дното и страните од тавчињата. Распределете го филот во тестата и ставете ги да се печат во рерна загреана на 150 C околу 40 минути. Последните 5 минути јас ги преместив питите на најдолната полица и ја зголемив температурата на 175 C, за тестото да се испече убаво од долу. Oставете ги малку да се оладат пред да ги јадете. Реакцијата на сите што ја пробаа беше ммммммм. 33

18 Блогери Garlicky Girl Grandad s cookbook Ситно сецкано Сѐ за храна